Шаһкәрім. Полное собрание сочинений в 3-х томах (каз.яз). 3. Үзілмеген үміт

«Ақиқат жеңбейтін ел де, жер де болмақ емес», деген Сіздің әділ сөзіңіз нендей көрегендікпен айтылған. Рухыңыз тірі, дана баба!
Сізге қарап бой түзеп, ой түзеп, сөз түзеп келеміз.
Роллан Сейсенбаев

Шаһкәрім Құдайбердіұлы, Абайдан соңғы Дешті-Қыпшақтың ең көрнекті тұлғасы, ұлы ақыны, ғұлама ойшылы, қайталанбас сазгері, озық аудармашысы һәм қоғам қайраткері. Бұл кітапта ақынның қасыретті жаны, кеніш көңілі, трагедиялық тағдыры айқын таңбаланған. Шаһкәрімнің мол әдеби мұрасынан өзгеше мәдениет, кең өріс, бедерлі өрнек танимыз. Ақынның өлеңдерінде, поэмаларында, философиялық ой-толғауларында бір пендеге ғана емес, бүкіл адамзатқа тән сырлы мұң жатыр. Бір қаламгерге ғана емес, бар ойшылға тән қамырық-қайғы бар. Бұл өлең өресін, өнер көкжиегін айқындайтын биік меже. Біздің туған тілімізде, ұлттық әдебиетімізде Абайдан соң ғана мүмкін болған биік жетістік. Шаһкәрім, Абайдан соңғы ең танымал есім. Абайдан соңғы ең көрнекті тұлға. Ақынның шалқар дүниетанымы, нұрлы жаны, талантты тебіренісі, өзгеше бітімі, биік мақсұты, ақыл-ой тереңдігі қазақ халқының арымайтын рухани биігі болып қала бермек.