Қазақстан Республикасы мемлекеттік қызметшісінің тілдік портфелі. Тұжырымдама стандарт типтік бағдарлама

Қазақстан Республикасының мемлекеттік тілін мемлекеттік қызметшілерге «Қазақ тілі бойынша тілдік портфель» жүйесі негізінде оқыту үдерісін ұйымдастырудың ғылыми-әдіснамалық және практикалық негіздерін, мемлекеттік қызметшілердің қазақ тілінен өз білімдерін оқытушыға бағалату және өзіндік бағалау жолдарын қолдану, түптеп келгенде, қазақ тілін оқып-үйрену мотивациясын жоғарылатып, мемлекеттік қызметшілердің мемлекеттік тілді меңгеруді жоғары саналылықпен қолға алуы жөніндегі міндеттерін белгілеп, әдістемелік тетіктерін анықтайды. «Қазақстан Республикасы мемлекеттік қызметшісінің тілдік портфелі» - «портфолио» технологиясын Қазақстан Республикасында тұңғыш рет қарастырылып, қолданылуға ұсынылып отырған жүйе. Сонымен қатар, «ҚР МҚ ТП» - мемлекеттік басқару саласы үшін тікелей арналып отырған тұңғыш оқу-әдістемелік кешен.