Ыбырайымұлы Ә.: Семсер жүзіндегі серт. 2 кітап

«Семсер жүзіндегі серт» роман-трилогиясының екінші кітабы «Серт» деп аталады әрі оның арқауы – Кенесары бастаған ұлт-азаттық көтерілістің тарихы мен тағдыры. Туындыда Кенесары көтерілісінің ерлік даңқы мен трагедиялық тағдыры тарихи-әдеби желі тартып баяндалады.
Сондықтан роман-эпопеяның бас қаһарманы – халық, Кенесары кейпіндегі қазақ.
Бірінші кітапта Қазақ хандығының құрылу кезеңі көркем кестеленсе, екінші кітап соңғы ханы Кенесарының қаза табуымен бірге шаңырағының құлағанына дейінгі дәуірді қамтыған.
Романдағы бір-бірінің жігі ажырамай, жымы білінбей үйлесім тауып отыратын тарихи оқиғаларға құрылған әдеби сюжеттердің эпизодтық құрылымы бекем. Осылардың бірінен екіншісіне көшкенде оқырман ешбір кедергіні сезінбейді. Жүгі ауыр шығарма жеңіл оқылады.
Сондай-ақ бұл кітаптың қоғамдағы тарихи сананы қалыптастыруда елеулі рөл атқарары сөзсіз.