Қаһарман - Нұрғиса. Очерктер поэмалар, эсселер, өлең-жырлар (құраст. Әбдірайымов С.)

Нұрағаң исі қазаққа ғана тән перзент емес, ол тұтас түркі жұртына ортақ ұлы тұлға. Өнер сүйген үлкен-кіші, әрине, Нұрағаңды дарынды композитор, қайталанбас дирижер, дәулескер домбырашы ретінде жақсы біледі.
Жалпақ жұрт Тілендиевтің өнердегі «мың өліп, мың тірілген» өмір жолымен толық хабардар шығар, ал жұмыр басты, екі аяқты пенде Тілендиевтің өмірін бес саусақтай білеміз дегенге бәсіміз бар. «Қар жауса да сөнбейтін оты бар» адамның бар болмыс-бітімін, табиғатын тану мүмкін де емес. Ол сонысымен қымбат, сонысымен құдыретті.
Сондықтан біз бүгінгі әңгімемізде Нұрағаңның осы қырына көңіл аударуды жөн көрдік. Жалпы, Тілендиевтің мына беймаза өмір жолы, өзі ыстық-суығына бірдей күйіп жүрген өнер туралы айтпағы не? Оны он ойлантып, мың толғатқан өзек-жарды мәселелер бар ма, бар болса ол не? Енді соған, қадірлі оқырман, зер салайық.