Толымбеков Ж.: Ақын Сара – Біржан сал

Халық ауыз әдебиетінде айтыс өнері – үлкен мұра. ХІХ ғасырды «өнер ғасыры» десек, сол ғасырда өмір сүрген ақын Сараның өмірі, шығармашылық еңбектері әлі түбегейлі зерттеліп біткен жоқ. Ілияс Жансүгіров 1923 жылы 15 қаңтарда «Жетісу әйелі» журналына жариялаған «Ақын Сара кім еді?» мақаласында ақын өнегесі жайлы өрелі ой өрбітеді. Ауыз әдебиеті нұсқаларының арасынан лайықты орын алатын ақын Сараның әйел теңдігі, «азаттық» үшін күрескен парасаты, шығармашылық еңбектері көпшіліктің қалаулы серігіне айналған. Кітапта ақын Сараның өмірі туралы тың деректер келтіріліп, Толғанбай Мырзағұлұлы шығарған «Қисса. Біржан сал менен Сара қыздың айтысқаны» айтыс нұсқасы берілді. Кітап көпшілік оқырман қауымға арналады.