Мураками Х.: Норвег орманы. Токиодағы мұң

Торю – Токиода университетте оқып жүрген жас жігіт, сүйкімді ойшыл қыз Наоконы жақсы көреді, тек екеуінің арасында біраз жыл бұрын қаза тапқан Кизукидің елесі тұр. Торю студенттер жатақханасындағы бұйығы тірлікке бейімделіп алған, ал Наоко өмірде қиындық пен міндетке төзуге болмайды дейді. Наоко өз жүрегінің дертіне бата түскен сайын, Торю еркін де ерке Мидориді ұнатып қалады. Жас жігіттің сезімі өскенін сипаттай отырып, «Норвег орманы» оқырманды өз жанындағы балаң махаббат естеліктеріне жетелейтіндей.

Ересек оқырманға арналған.

Харуки Мураками 1949 жылы Киотода дүниеге келген. Ержеткенге дейін Кобеде тұрып, Уаседе университетіне түскен соң Токиоға көшеді. Оқу бітірген соң шағын жазз-бар ашып, оны жұбайы екеуі жеті жыл басқарған.
Hear the Wind Sing («Желдің салған әнін тыңда») деген алғашқы романы үшін 1979 жылы жас жазушыларға арналған Гунзоу сыйлығына ие болады. Осы атағын ұластырып, кейіннен The Trilogy of the Rat («Атжалман туралы трилогия») деп бірігетін тағы екі роман: 1973 жылғы Pinball («Пинболл») мен A Wild Sheep Chase («Жабайы қойларды қуу») романдары жазылады.
Муракамидің сондай-ақ Hard-Boiled Wonderland and the End of the World, Dance Dance Dance, South of the Border, West of the Sun, The Wind-Up Bird Chronicle, Sputnik Sweetheart, Kafka on the Shore, After Dark, 1Q84 және Colorless Tsukuru Tazaki and His Years of Pilgrimage сынды романдары, «Піл жоғалып барады», «Жер сілкінгеннен кейін» және «Соқыр сәмбі, ұйқыдағы әйел» атты әңгімелер жинағы мен «Біртүрлі кітапхана» деген иллюстрациялы новелласы бар.
Бұған қоса Мураками бірнеше ғылыми-көпшілік еңбек жазған. Ханшиндегі жер сілкінісі мен 1995 жылғы Токио метросындағы газдан улану оқиғасынан кейін тірі қалғандардан, діни культ құрбандарынан сұхбат алып, соған сүйеніп Жапонияда Underground жинағына енген екі ғылыми-көпшілік кітап жазған. Сондай-ақ «Жүгіру туралы айтқанда не айтамын» деген жүгіру туралы эсселер сериясын жазған.
Сансыз халықаралық әдеби марапаттарының ең кейінгісі – бұған дейін Ж.М. Кутзи, Милан Кундера мен В.С. Найпол иеленген Иерусалем сыйлығы. Мураками шығармалары елуден астам тілге аударылған.