Йориш А.: Инноватор бол

«Инноватор бол» кітабы дүниежүзіндегі миллиардтаған адамның тірлігін түбегейлі өзгертіп жатқан таңғажайып израильдік инновациялар туралы сыр шертетін очерктерден құралған. Израильде тұратын түрлі дінді ұстанатын өнертапқыштар әлемді жақсырақ ете түсуге неліктен ұмтылатынын сөз қылады. Израильдіктер неліктен ашты тойындырып, ауруды сауықтырып, қорғансызға қалқан болып, шөлді гүлге бөлегісі келетінінің сырын ашады. Дүниенің алпауыт елдерімен салыстырғанда тырнақтай ғана ел Израиль бұл қиындықтарды еңсеруде жерасты байлығына не мол қазынасына емес, ұлттың өзегіндегі «тиккун аламға» – әлемді жақсартудың израильдік тұжырымына сүйенеді.
Израильдегі сан алуан стартаптар «Стартаптар елінде» (Start-Up Nation) сипатталғаннан кейін, «Инноватор бол» кітабында израильдік жаңалықтар әлемді қалай жақсартып жатқаны туралы хикаялар баяндалады. Израильде адамды таңғалдыратын өнертабыстардың бәріне ортақ ұмтылыс – адамды ажалдан арашалау және асқақ мақсаттарға қол созу ниеті біріктіріп отыр. Әлемнің бәрінен қараңғы бөлігінде бұл хикаялар – жарық сәулесі.

Автор туралы:
Ави Йориш – кәсіпкер әрі Таяу Шығыс бойынша сарапшы. Амери- каның сыртқы саясат кеңесінің аға ғылыми қызметкері және АҚШ ау- мағында клиенттерге қызмет көр- сететін коммерциялық деректерді өңдеуші IMS компаниясының негізін қалаушы. Араб әліміндегі жаһандық үрдістерді, радикал исламды, тер- роризммен күресті әрі заңсыз қар- жыландыруды зерттеп зерделеуші. АҚШ қаржы және қорғаныс министр- ліктерінде түрлі қызметтер атқар- ған. Биңамптон университетінде та- рих бакалавры және Иерусалимдегі Еврей университетінде тарих ма- гистрі дәрежесін алған. Одан бө- лек, Каирдегі Америка институтын- да және Әл-Азхар университетінде араб тілі мен ислам философиясын оқыған. Мақалалары New York Time, The Wall Street Journal, Foreign Affairs, Forbes және Al-Arabiya.net сынды сандаған беделді басылымда жарық көріп келеді. Халықаралық қатынастар бойынша кеңестің (CFR) және Жас президенттер ұйымының (YPO) мүшесі.