Қазақстан Республикасы мемлекеттік қызметшісінің тілдік портфелі. Жұмыс дәптері

«Қазақстан Республикасы мемлекеттік қызметшісінің тілдік портфелі» жүйесінің Негізгі оқулығына қосымша дидактикалық құрал ретінде әзірленген Жұмыс дәптерінде Негізгі оқулықтағы және «ҚР МҚ ТП» жүйесіндегі басқа да оқу құралдар кешеніндегі қазақ тілін меңгерту материалдары беріліп отыр.
Жұмыс дәптері үш деңгей, одан әрі бөлінген алты деңгейге лайықталынып әзірленді: Бастауыш деңгей - «Тілдік бағдар», «Тілашар»; Жалғастырушы деңгей - «Тіл дамыту», «Тіл ұстарту»; Жоғары деңгей - «Тіл мәдениеті», «Тілдік тұлға». Алты деңгейдің лексика-грамматика-лық тақырыптары мен минимумдарын іріктеуде еуропалық (А-1, А-2, В-1, В-2, С-1, С-2) алты деңгейлік жүйенің параметрлерімен сәйкестендіру бағыты ұсталынды.