Әуезов М.: Абай жолы. 4 тома

«Абай жолы» роман-эпопеясының қазақ әдебиетіндегі орны да, жөні де бөлек. «Абай жолы» арқылы қазақ көркемсөзі, қазақ прозасы дүниежүзіндегі классикалық әдебиет биігіне көтерілді. Автордың тынымсыз еңбегінің, терең ізденісінің, шығармашылық қажыр-қайратының арқасында дүниеге келген төрт томдық роман-эпопея ұлтымыздың мерейін тасытып, мәртебесін көтерді, мәдениетін аспандатты, төрткүл дүниеге қазақ деген халықтың тәлейлі тарихын, тұрлаулы тағдырын, қадір-қасиетін паш етті. Ұлы тұлға Абайдың адам, азамат, ақын, қайраткер ретінде жүріп өткен соқтықпалы-соқпақты, алмағайып өмір жолына Мұхтар Әуезовтің қаламы қайта жан бітірді. «Абай жолы» - жүрегі қазақ деп соғатын әрбір оқырманның болашағына бағыт сілтейтін жарық жұлдыз.