Дүзбаев Ж.: Түркілер. Бабалар жолымен. 2 том

Бірінші дүниежүзілік соғыс, революция, артынша орыстардың арасында билікке таласу барысында басталған азамат соғысы, осының бәрі Ресей империясының отарында болып келген Орта Азия және Қазақ даласын мекендеген түркі халықтарына ауыр соққы болып тиді. Ұзаққа созылған саяси дағдарыстың аяғы бұратана халықты жаппай ашаршылыққа әкеліп, аса үлкен қырғынға ұшыратты.
1916 жылғы ұлт-азаттық көтерілістен басталған түркі халықтарының қасіреті 1919-1930 жылдары одан әрі жалғасып, ашынған халықты азаттық үшін қайтадан майданға шығуға мәжбүр етті. Майданның алдыңғы шебінде сол заманның батырлары, қоғамның көзі ашық, оқыған нағыз ұлт жанашырлары тұрды.
Оқырманға ұсынылып отырған кітапта автор архив құжаттарына және сол заман туралы жазылған тарихи еңбктерге сүйеніп, түркі халықтарының басынан кешкен ұлы трагедиясы және елдігін сақтап қалу жолындағы жүргізген қиян-кескі ұлт-азаттық соғысы туралы жазады.