Ваш город:Алматы
Ваш город: Алматы
Безопасная оплата
Возврат 14 дней
Кітапта Ұлы Даланың ежелгі тарихына қатысты кейінгі жылдарда жүгізілген этномәдени, археологиялық, генеалогиялық, этимологиялық және т.б. зерттеу нәтижелері салғастыра сарапталып, аталған алып аумақта өркен жайған байырғы мәдениеттердің иелері, негізінен, осы ұлан-ғайыр кеңістікті талай мыңжылдықтар бойы мекен еткен тұрғылықты жұрттар екендігі дәйектеледі. Олардың тас дәуірлеріндегі климаттық жағдаяттарға байланысты әр тарапқа таралу бағыттары мен сол қауымдардың кейінгі ұрпақтарының неолит, әнеолит замандарында сероглазов, мақанжар, атбасат, көнешұңқыр, ботай секілді бірқатар түздік мәдениеттер аясында тіршілік кешкеніне, көптеген этномәдени нышандардың өзара сабақтас екендігіне назар аударылады. Бұл ортақ сипаттардың қола ғасырларда жалпы ұлыдалалық беғазы-дәндібай мәдениетіне, Алтай, Ордос, Шығыс және Батыс Түркістан аумақтарындағы соған ұқсас құнарлы дәстүрлерге ұласқаны пайымдалады. Кейінгі сақ, хұн замандары тайпалары көбінің Ұлы Дала кеңістігінде талай ғасыр бойы қатар өмір сүріп келе жатқан арғытүрк сипатты жұрттар екендігі кейінгі жылдарда жүргізілген әртүрлі жаңашыл ғылыми қорытындылар арқылы пысықталады.
Кітап авторы Ж. Бейсенбайұлы - белгілі жазушы, зерттеуші, шоқантанушы. Филология ғылымының кандидаты. Оның бұған дейін халқымыздың ежелгі этномәдениетіне арналған «Арғы түрктер ақиқатының ізімен» (2006) зерттеу кітабы, «Орталық Азиядағы арғытүрік сипатты мәдениеттер: этнотектік аспектілер» (2015) атты ғылыми монографиясы жарық көрген.
ISBN | 978-601-03-0468-0 |
---|---|
Жанр | История Казахстана и Центральной Азии |
Издательство | Қазақпарат |
Год издания | 2017 |
Язык | Казахский |