Дүйсембекова Л. : Қазақ тілі: Іс қағаздарын жүргізу

Оқу құралы қазақ ресми-іс қағаздар стилін меңгертуге, іс қағаздарын қазақ тілінде жүргізуді үйретуге негізделген. Оқу құралы жеке іс қағаздарының тілін, құрылымын талдай отырып, қазақ ресми-іс қағаздар стилінде жаза білуге қажетті лексикалық қор қалыптастыруға, стандарт тілдік бірліктердің санада қалыптасып, жатталуына ықпал етеді.
Еңбек мемлекеттік қызметшілердің оқытудың екінші деңгейіне, жоғары және арнайы оқу орындарындағы «Іс қағаздарын қазақ тілінде жүргізу» пәніне, колледждер мен кәсіптік-техникалық мектептерде «Іс қағаздарын жүргізуші», «Хатшы-референт» мамандықтары бойынша мамандар даярлауда, сондай-ақ орта мектептерде қазақ тілі пәніне қосымша өткізіліп жүрген «Іс қағаздарын қазақ тілінде жүргізу» сабағында, мемлекеттік тілді оқытудың, аудармашылардың, іс қағаздарын жүргізушілердің біліктілігін арттыру курстарында оқулық қызметін де атқара алады.