Кенжебаева А. : Қысқаша қытайша-орысша-қазақша, орысша-қазақша-қытайша ғылыми-техникалық терминдер сөздігі

«Қысқаша қытайша-орысша-қазақша, орысша-қазақша-қытайша ғылыми-техникалық терминдер сөздігі» қытай, қазақ, орыс тілдерінде берілген терминдерді оқып үйренуде, бір тілдегі терминдердің өзге ұлт тілінде қалай аударылуы мен сөз шеберлігін меңгеруде баға жетпес құрал. Сондай-ақ бұл еңбек қытай тілін үйрету мен аударма жұмыстарының сапасын жақсартуда, қазақ, қытай, орыс халықтары арасындағы мәдени-рухани байланыстарды күшейтуде салмақты үлесін қосады деп үміттенеміз. Аталған сөздік ақпарат, мәлімет әрі жаңа атаулардың (терминдердің) аудармасын беруді көздеген және діттеген мақсатты мүмкіндігінше орындауға ұмтылған еңбек деп айта аламыз. Сөздік шамамен 5 мыңнан астам сөздер мен терминологиялық бірліктерден тұрады, қолданылуы қарапайым, сөздік соңында әр саланың қысқартылған атауларының толық нұсқасы және пайдаланған әдебиеттер тізімі берілген. Сөздікті көмекші оқу құралы ретінде жоғары оқу орындарының шығыстану, филология, халықаралық байланыстар факультеттерінің студенттері, ізденушілері әдебиет, аударма. тіл пәндерін оқытуда, атап айтатын болсақ, «Аударма теориясы мен практикасының заманауи әдіснамасы», «Салалық терминдер», «Аударматанудағы замануи тендерциялар», т.б. пәндерді өту процесінде пайдалануға болады. Сонымен қатар бұл сөздік шығыстанушы мамандар, аудармашылар, тілшілер, қытайтанушы ғалымдар үшін мол мағлұмат бере алатын еңбек болады деген сенімдеміз.